“Qızıma sahib çıxacağam”.
Cenublu.az xəbər verir ki, bu sözləri Xəzər TV-də yayımlanan “Təsir dairəsi” verilişinə Astara sakini olan Elnur Vaqif oğlu Məmmədov deyib.
Belarus dövlət qurumları tərəfindən axtarışa verilən Astaranın Seləkəran kənd sakini Elnur verilişə zəng vuraraq qızına sahib çıxacağını və heç bir maddi dəstəyə ehtiyacının olmadığını deyib.
Xatırladaq ki, Elnur illər əvvəl Moskvada Anna adlı belaruslu xanımla rəsmi nikaha girib və ondan qız övladı dünyaya gəlib. 9 yaşlı Əminə hazırda anası Anna həbs edildiyinə görə Belarusda sığınacağa yerləşdirilib və dövlət qurumları onun atası Elnur Məmmədovu axtarırdılar.
