Azercell “Tələbə Təqaüdü Proqramı 2024” üçün qeydiyyatı açıq elan edib. Bu haqda məlumatı Cenublu.az bu gün, 4 oktyabr tarixində verir.
Belə ki, şirkət “Tələbə Təqaüdü Proqramı 2024” çərçivəsində seçilmiş 10 tələbəyə aylıq 300 AZN məbləğində təqaüd təqdim edəcək.
İnformasiya Texnologiyaları, Kibertəhlükəsizlik, Biznes analitikası, Data elmi, Marketinq sahələri üzrə Azərbaycan Respublikasının müxtəlif ali təhsil müəssisələrində bakalavr təhsili alan sonuncu 2 kursun tələbələri bu proqrama müraciət edə bilərlər. Namizədlərin son 2 kurs qiymətləri A və ya B (5 və ya 4) olmalıdır.
“Azercell”in “Tələbə Təqaüdü Proqramı”na müraciət etmək üçün şirkətin rəsmi veb səhifəsində (www.azercell.jobs) müvafiq linkə keçid almaq lazımdır.
Ərizələr 1-31 oktyabr tarixlərində və yalnız onlayn formatda qəbul ediləcək. Əlavə məlumat üçün [email protected] elektron ünvanına müraciət edə bilərsiniz.
Qeyd edək ki, 30 oktyabr tarixində “Azercell” əməkdaşlarının Lənkəran şəhərinə səfər edərək proqram çərçivəsində universitetlərdə tələbələrlə görüşləri də təşkil olunacaq.
