Lənkəran rayonunda vətəndaşlar SOCAR “Azəriqaz” İstehsalat Birliyinin “Açıq mikrofon” aksiyasında onları narahat edən məsələləri səsləndiriblər. Bu haqda məlumatı Cenublu.az bu gün, 23 oktyabr tarixində Unikal.az-a istinadən verir.
Görüşdə Separadi, Parakənd, Sütəmurdov, Şağlaküçə kəndlərinin sakinləri iştirak ediblər. Səsləndirilən müraciətlərlə bağlı birliyin Lənkəran Regional Qqaz İstismarı İdarəsinin rəhbərliyi tərəfindən müvafiq tapşırıqlar verilib və dərhal köməklik göstərilib.
Görüş başa çatandan sonra Regional İdarənin rəhbərləri Şıxakəran kənd sakini, şəhid anası Ramizə Nurullayevaya baş çəkiblər. Sakinin müraciətinə əsasən, mənzilin içərisinə qaz xəttinin çəkilişi ilə bağlı tapşırıq verilib.
