Uzun illər Xəzər sularında xidmət göstərmiş kapitan İlqar Dadaşov vəfat edib.
Cenublu.az xəbər verir ki, kapitan gecə saatlarında dünyasını dəyişib.
O, 9 mart 1964-cü ildə Neftçalanın Bankə qəsəbəsində dünyaya göz açıb. 1981-ci ildə Qafur Məmmədov adına Bakı Dəniz Yolları Məktəbinə daxil olub və 1984-cü ildə həmin məktəbi “gəmi sürücülüyü” ixtisası üzrə bitirib. Qeyd edək ki, İlqar Dadaşov 40 ilə yaxın Azərbaycan Xəzər Dəniz Gəmiçiliyində çalışıb.
Mərhum kapitan “Cabbar Həşimov” tankerinin kapitanı kimi fəaliyyət göstərib və peşəkarlığına görə 2024-cü ildə "Ən yaxşı kapitan" adına layiq görülüb.
