AZAL “Azərbaycan Hava Yolları” aviaşirkətinin Aktauda qəzaya uğrayan təyyarəsində 37 Azərbaycan vətəndaşı olub.
Bu barədə Report.az Qazaxıstan Nəqliyyat Nazirliyinin məlumatına istinadən xəbər verir.
“İlkin məlumata görə, təyyarədə 37 Azərbaycan, 6 Qazaxıstan, 3 Qırğızıstan, 16 Rusiya vətəndaşı olub”, – nazirliyin məlumatında bildirilib.
*** 11:55
Qazaxıstanda qəzaya uğrayan Bakı-Qroznı təyyarəsinin göyərtəsində olan sərnişinlərin tam siyahısı açıqlanıb.
Bu barədə BAZA telerqam kanalı məlumat yayıb.
Cenublu.az təyyarəsinin göyərtəsində olan sərnişinlərin tam siyahısını təqdim edir:
*** 11:40
AZAL qəza ilə bağlı rəsmi açıqlama verib.
Cenublu.az açıqlamanı təqdim edir:
"Göyərtədə 62 sərnişin, 5 ekipaj üzvü olmaqla, ümumilikdə 67 nəfər olub. Sərnişinlər arasında uşaqlar olmayıb, zərərçəkənlər barədə məlumat tezliklə təqdim ediləcək. Məlumata görə sağ qalanlar var, onlara ilkin tibbi yardım göstərilir.
Qazaxıstan tərəfi ilə təmaslar həyata keçirilir və hadisə yerində Qazaxıstanın fövqəladə xilasetmə qurumları tərəfindən lazımi operativ zəruri dəstək göstərilir".
*** 11:35
Aktauda AZAL-a məxsus təyyarənin qəzaya uğraması nəticəsində 12 nəfər xəsarətlə xəstəxanaya çatdırılıb, Qazaxıstan Səhiyyə Nazirliyi məlumat yayıb.
*** 11:30
Qazaxıstanda qəzaya uğrayan Embraer 190AR təyyarəsinin idarəetmə sistemi sıradan çıxıb.
SHOT Telegram kanalının məlumatına görə, təyyarə ekipajı havaya qalxdıqdan təxminən bir saat sonra həyəcan siqnalı verib. Bundan 15 dəqiqə sonra Aktau aerodromuna yönəlmək qərarı qəbul edilib. Təəssüf ki, təyyarə Moskva vaxtı ilə saat 09:28-də qəzaya uğrayıb.
Bütün sağ qalanlar olduqca ağır vəziyyətdədir.
Qəza ilə bağlı araşdırmalar davam edir.
*** 11:24
Qazaxıstan Səhiyyə Nazirliyinin məlumatına əsasən, qəza nəticəsində 10 nəfərin sağ qaldığı deyilir.
*** 11:16
Qazaxıstanın Aktau şəhəri yaxınlığında təyyarənin qəzaya uğradığı yerdə yanğının söndürülməsi üçün 52 yanğınsöndürən və 11 texnika cəlb olunub, bu barədə respublika Fövqəladə Hallar Nazirliyi məlumat verib.
Cenublu.az xəbər verir ki, təyyarənin göyərtəsində 67 sərnişin və 5 ekipaj üzvü olub.
*** 11:08
“Azərbaycan Hava Yolları” QSC-nin (AZAL) J2-8243 nömrəli Bakı-Qroznı reysini yerinə yetirən “Embraer 190” təyyarəsi Aktau şəhərinin 3 km yaxınlığında qəza enişi edib.
Cenublu.az bu barədə AZAL-a istinadən xəbər verir.
İlkin ehtimala görə, hadisəyə səbəb hava gəmisinin quş sürüsü ilə toqquşması olub.
Hadisə ilə bağlı ictimaiyyətə əlavə məlumat veriləcək.
