Astara rayonunun Şiyəkəran kəndində yerləşən körpü qəzalı vəziyyətdədir. Bu haqda məlumatı Cenublu.az bu gün, 23 avqust tarixində verir.
Belə ki, kəndin iki hissəsini birləşdirən və sel sularının gəlməsi nəticəsində zədələnən körpü artıq 1 ildən çoxdur ki, bu vəziyyətdədir. Sakinlər bildirirlər ki, körpünün aşması an məsələsidir və bu hal faciə ilə nəticələnə bilər:
“Xahiş edirik, aidiyyəti qurumlar körpünün təmirini təmin etsinlər”.Qeyd edək ki, 6200 nəfərdən çox əhalisi olan Şiyəkəran kəndinin körpüsünün qəzalı vəziyyətdə olması haqda Cenublu.az ötən ilin avqust ayında da paylaşım etmişdi.
