Bu gün qəhrəman şəhid Rövşən Qardaşxan oğlu Ramazanovun şəhadətə ucaldığı gündür.
Rövşən Ramazanov 14 aprel 1995-ci ildə Astara rayonunun Burzubənd kəndində anadan olub. 2001–2012-ci illərdə Burzubənd kənd tam orta məktəbində təhsil alıb.
O, 9 oktyabr 2020-ci ildə Vətən müharibəsinə könüllü olaraq qoşulub. Cəbrayıl, Qubadlı və Xocavənd uğrunda gedən döyüşlərdə iştirak edib.
R. Ramazanov 27 oktyabr 2020-ci ildə Xocavənd rayonunun Cütcü kəndi istiqamətində gedən döyüşlərdə qəhrəmancasına həlak olub. O, Astara rayonunun Burzubənd kəndində dəfn edilib.
Ölümündən sonra “Vətən uğrunda”, “Xocavəndin azad olunmasına görə”, “Cəbrayılın azad olunmasına görə” və “Füzulinin azad olunmasına görə” medalları ilə təltif edilib.
