Astara Dövlət Rəsm Qalereyasının rəssamları “Mənim düşüncəm” adlı Respublika yaradıcılıq müsabiqəsində diplomlara layiq görülüblər. Bu haqda bu gün, 2 noyabr tarixində Cenublu.az xəbər verir.
Belə ki, “Heydər Əliyev İli” çərçivəsində keçirilən müsabiqədə Astara Dövlət Rəsm Qalereyasının 11 rəssamı iştirak edib. Onlardan 2 nəfər diplomla təltif olunub.
Qeyd edək ki, müsabiqə Azərbaycan Respublikasının Mədəniyyət Nazirliyi, Elm və Təhsil Nazirliyi, “Azərbaycan Televiziya və Radio Verilişləri” QSC, Xətai Rayon İcra Hakimiyyəti, Azərbaycan Rəssamlar İttifaqı, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə həyata keçirilib.
Xatırladaq ki, Astara Dövlət Rəsm Qalereyasının fəal üzvləri cari il ərzində iştirak etdikləri müsabiqələrdə ümumilikdə 18 diplom qazanıblar.
