Astaranın Ərçivan qəsəbəsindən olan Asim Yusifov Masallı Dövlət Regional Kollecin tədris işləri üzrə direktor müavini vəzifəsinə təyin edilib.
Asim Yusifov bakalavr təhsilini Lənkəran Dövlət Universitetində iqtisadiyyat ixtisası üzrə, magistratura təhsilini isə Türkiyənin Karabük Universitetində dövlət və bələdiyyə idarəetməsi ixtisası üzrə alıb.
Müxtəlif illərdə Gənclərin İnkişaf və Karyera Mərkəzinin Astara nümayəndəliyində direktor və Astara Pedaqoji Kollecində müəllim olaraq çalışıb. O, son təyinatadək Lənkəran Dövlət Peşə Təhsili Mərkəzində müəllim kimi fəaliyyət göstərib.
Asim Yusifov yalnız təhsil sahəsində deyil, ictimai fəaliyyətində də fəallığı ilə seçilən gənclərdəndir. O, müxtəlif illərdə Gənclərin Sosial İnkişafına Dəstək İctimai Birliyinin sədr müavini olub, 2018-ci ildən isə Heydər Əliyev Fondu “Regional İnkişaf” İctimai Birliyinin Lənkəran–Astara regional bölməsinin koordinatoru kimi fəaliyyət göstərir.
Asim müəllimi yeni təyinatı münasibətilə təbrik edirik.
