Antiterror tədbirlərində iştirak edən Astaradan olan qazilərimizə baş çəkilib. Bu haqda məlumatı Cenublu.az bu gün, 25 oktyabr tarixində verir.
Belə ki, 19 sentyabr tarixində həyata keçirilmiş lokal xarakterli antiterror əməliyyatı zamanı yaralanmış Astara rayon sakinləri – Ərçivan qəsəbə sakinləri Ağahüseyn Həsənov, Elçin İsmayılov və Rüdəkənar kənd sakini Riad Rzayev ziyarət ediliblər.
Qeyd edək ki, görüşlərdə Rayon İcra Hakimiyyəti başçısının müavini – İctimai-siyasi və humanitar məsələlər şöbəsinin müdiri Firəngiz Sadıxova və Rayon İcra Hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Turan Həsənzadə iştirak ediblər.
