Astara şəhər 2 nömrəli tam orta məktəbində Vətən müharibəsi şəhidlərinin xatirəsinə həsr olunmuş 3x3 basketbol idman növü üzrə məktəblilər arasında Astara rayon turniri baş tutub. Bu haqda məlumatı Cenublu.az bu gün, 22 sentyabr tarixində verir.
Turnirdə 8 komanda mübarizə aparıb. I yerə Astara rayonu Artupa kənd tam orta məktəbi, II yerə Astara şəhər 2 saylı tam orta məktəbi və III yerə Astara rayonu Səncərədi kənd tam orta məktəbinin komandaları layiq görülüb.
Fəxri yerləri qazanan komandalara Lənkəran-Astara Regional Gənclər və İdman İdarəsinin diplomları təqdim edilib.
Qeyd edək ki, turnir Lənkəran-Astara Regional Gənclər və İdman İdarəsinin və Lənkəran-Astara Regional Təhsil İdarəsinin Astara rayonu üzrə təhsil sektorunun birgə təşkilatçılığı ilə keçirilib.
