Astara rayonunda təqaüddə olan tibb bacısının qətlində şübhəli bilinən şəxslər tutulublar. Bu haqda məlumatı Cenublu.az bu gün, 11 noyabr tarixində verir.
Belə ki, 10 noyabr tarixində rayonun Kakalos kəndində 77 yaşlı Zeynəb Məmmədova öldürülüb.
Polis əməkdaşları tərəfindən keçirilən əməliyyat-axtarış tədbirləri nəticəsində cinayət əməlini törətməkdə şübhəli bilinən Astara rayon sakinləri – 40 yaşlı Elmir Məmmədov, əvvəllər məhkum olunmuş 37 yaşlı Vüsal Əkbərov və Şəmkir rayon sakini, 37 yaşlı əvvəllər məhkum olunmuş Bəhruz Süleymanov saxlanılıblar.
Faktla bağlı araşdırma aparılır.
