Astara Gənclər Evində “Əsas həyat bacarıqları” mövzusunda sessiya keçirilib. Bu haqda məlumatı Cenublu.az bu gün, 30 noyabr tarixində verir.
Tədbirdə 25 nəfər olmaqla Astara Pedaqoji Kollecinin Tələbə Gənclər Təşkilatının və Astara Gənclər Evinin könüllüləri iştirak ediblər. Onlar gənclərin bacarıqlarının və potensialının üzə çıxarılması sahəsində rayonda və Astara Gənclər Evində dövlət gənclər siyasətinin həyata keçirilməsi sahəsində görüləcək işlər, perspektiv planlaşdırmalar barədə məlumatlandırılıblar.
Daha sonra Gənclər Evinin əməkdaşı və təlimçi Zamin Ağazadə “Özünü tanıma”, “Şəxslərarası bacarıqlar”, “Düşünmə bacarıqları”, “Problemi həll etmə”, “Başqalarını cəlbetmə” və digər mövzuları iştirakçılarla müzakirə edib.
Qeyd edək ki, təlim Lənkəran-Astara Regional Gənclər və İdman İdarəsinin Astara rayonu üzrə gənclər və idman sektoru və Astara Gənclər Evinin birgə təşkilatçılığı ilə baş tutub.
