Astara rayon Heydər Əliyev Mərkəzində “Şəhidlər ölməz, Vətən bölünməz“ mövzusunda tədbir baş tutub. Bu haqda məlumatı Cenublu.az bu gün, 27 sentyabr tarixində verir.
Tədbirdə Lənkəran-Astara Regional Gənclər və İdman İdarəsinin, Heydər Əliyev Mərkəzinin əməkdaşları, Astara Pedaqoji Kollecinin tələbələri, Azərbaycan Qarabağ müharibəsi əlilləri, veteranları və şəhid ailələri ictimai birliyinin Astara rayonu üzrə filialının, Müharibə, Əmək və Silahlı Qüvvələr Veteranlar təşkilatının üzvləri və veteranlar iştirak ediblər.
Tədbir zamanı iştirakçılara “44 günlük Zəfər tariximiz” mövzusunda film nümayiş olunub və sonda Astara rayon Heydər Əliyev Mərkəzinin “Rəssamlıq” dərnəyi üzvlərinin əl işlərindən ibarət sərgi nümayiş etdirilib.
Qeyd edək ki, tədbir Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun və Astara rayon Heydər Əliyev Mərkəzinin birgə təşkilatçılığı ilə keçirilib.
