Astara rayon MM Pensər kənd folklor evində Vətən müharibəsinin şəhidi, Şuşa fatehi Pərvin Təbriz oğlu Salmanzadənin ikinci ildönümü keçirilib. Bu haqda məlumatı Cenublu.az bu gün, 5 noyabr tarixində verir.
Tədbirdə Astara rayon İH-nin Pensər kənd İƏD üzrə nümayəndəliyi, kənd bələdiyyəsinin rəhbərliyi, şəhidin yaxınları, kənd 1 və 2 saylı tam orta məktəblərin müəllim və şagird kollektivi, müharibə iştirakçıları və qazilər, kənd sahə xəstəxanasının tibbi heyəti və digər qonaqlar iştirak ediblər.
Tədbirdə çıxış edənlər şəhidimizin keçdiyi şərəfli döyüş yolundan danışıblar. Sonra tamaşaçılara folklor evinin direktoru Günel Məlikovanın hazırladığı şəhid Pərvin Salmanzadənin ömür və döyüş yolundan bəhs edən sənədli film nümayiş olunub.
