Astara Tarix-Diyarşünaslıq Muzeyinin əməkdaşları şəhid Samiq Rəhmanovun ailəsini ziyarət ediblər. Bu haqda məlumatı Cenublu.az bu gün, 28 avqust tarixində verir.
Onlar şəhidin ailə üzvləri ilə söhbət edib, qayğı və problemləri ilə maraqlanıblar. Sonra mədəniyyət nümayəndələri şəhidin ev-müzeyindəki əşyaları ilə tanış olublar. Şəhid ailəsinin üzvləri ölkəmizdə şəhid ailələri və qazilərə dövlət səviyyəsində diqqətə görə Prezident İlham Əliyevə təşəkkür ediblər.
Qeyd edək ki, Samiq Rəhmanov Vətən müharibəsi zamanı 25 oktyabr tarixində Qubadlı uğrunda döyüşlər zamanı şəhid olub. O, ölümündən sonra “Vətən uğrunda”, “Şuşanın azad olunmasına görə”, “Cəbrayılın azad olunmasına görə” və “Füzulinin azad olunmasına görə” medalları ilə təltif edilib.
