Astarada rəqəmsal inkişaf və nəqliyyat naziri Rəşad Nəbiyev vətəndaşları qəbul edib. Bu haqda məlumatı Cenublu.az bu gün, 11 sentyabr tarixində verir.
Heydər Əliyev Mərkəzində Lerik, Lənkəran, Yardımlı, Masallı, Cəlilabad və Astara rayonları sakinlərinin qəbulu zamanı nəqliyyat, telekommunikasiya, o cümlədən internet, teleradio yayımı və poçt xidmətləri ilə bağlı müraciətlərə baxılıb.
Nazir müraciətlərin operativ şəkildə araşdırılması ilə əlaqədar tapşırıqlar verib. Vətəndaşların müraciətlərində qaldırılan problemlərin bir qismi dərhal öz həllini tapıb, nazirliyinin fəaliyyət sahələrinə aid olmayan məsələlər isə qeydiyyata alınıb və müvafiq qurumlara göndərilməsi təmin olunacaq.
