Astara rayonunun Kakalos kəndində Zeynəb Məmmədovanın öldürülməsi ilə bağlı bəzi təfərrüatlar məlum olub. Bu haqda məlumatı Cenublu.az bu gün, 11 noyabr tarixində Report.az-a istinadən verir.
Daha öncə qətli törətməkdə şübhəli bilinən şəxslər barədə məlumat vermişdik.
Məlumata görə, saxlanılan şəxslər qadının evinə oğurluq məqsədilə daxil olublar. Həmin vaxt qadın evdə olmayıb, amma bir qədər sonra o, geri qayıdarkən işgəncələrlə öldürülüb. Zeynəb Məmmədovanın qolları və ayaqları bağlanılıb, üzərində olan qızıl-zinət əşyaları götürülüb.
Qeyd edək ki, hadisəni törətməkdə şübhəli bilinən şəxslərdən ikisi – Elmir Məmmədov və Vüsal Əkbərov öldürdükləri qadının qonşuları olublar.
