Astara Pedaqoji Kollecində “Narkomaniya bəşəriyyətin bəlasıdır” adlı görüş keçirilib. Bu haqda məlumatı Cenublu.az bu gün, 30 noyabr tarixində verir.
Tədbirdə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupunun əməkdaşı Vasif Quliyev, Lənkəran-Astara Regional Gənclər və İdman İdarəsinin Astara rayonu üzrə Gənclər və İdman sektorunun müdiri Rufan Şirinov mövzu ilə əlaqədar çıxış ediblər.
Görüşdə kollecin müəllim və tələbə kollektivi, ictimaiyyət nümayəndələri iştirak ediblər. Onlara narkomaniyanın vurduğu ziyan, insanların sağlamlığına və mənəviyyatına mənfi təsiri, cəmiyyətin inkişafdan geri qalması, maddi-texniki və intellektual potensialının aşağı düşməsi, genofondun zərər çəkməsi və bir çox digər ağır nəticələrə səbəb olması barədə məlumat verilib. Həmçinin mövzu ilə əlaqədar videoçarx təqdim edilib.
Qeyd edək ki, tədbir Astara Rayon İcra Hakimiyyətinin təşkilatçılığı ilə həyata keçirilib.
