Astarada külək nəticəsində yaranan fəsadların həlli istiqamətində müvafiq tədbirlər görülür. Bu haqda bu gün, 7 mart tarixində Cenublu.az Apa.az-a istinadən xəbər verir.
Dünən axşam saatlarında başlayan güclü külək Astara rayonunun təsərrüfatlarına, əsasən, elektrik təsərrüfatına, yaşayış binalarına və digər strukturlara ciddi ziyan vurub. Şəhərin mərkəzində, Səməd Vurğun küçəsində 95 nəfərin yaşadığı 4 mərtəbəli, 32 mənzilli binanın dam örtüyünü (təqribən 500 kvadratmetr) güclü külək yerə salıb.
Rayon İcra Hakimiyyəti başçısının tapşırığı ilə fəsadların aradan qaldırılması məqsədilə tədbirlər görülür. Xeyli sayda elektrik dirəkləri aşıb, bəziləri yararsız hala düşüb. Şəhərin mərkəzində elektrik verilişi bərpa edilib.
Qeyd edək ki, hazırda bölgədə külək səngiyib və yağışlı hava şəraiti müşahidə olunur.
[URIS id=34682]
