Astara rayonunda dənizdə itkin düşən balıqçıların şəxsiyyəti müəyyənləşib.
Cenublu.az xəbər verir ki, itkin düşən şəxslər 1997-ci il təvəllüdlü Turan Eyvaz oğlu Həsənov və 1999-cu il təvəllüdlü Ağadədə Famil oğlu Həsənovdur.
Onların ötən gecə Şahağac kəndi ərazisində balıq ovu məqsədilə dənizə çıxdıqları və geri qayıtmadıqları bildirilir.
Hazırda axtarış-xilasetmə tədbirləri Fövqəladə Hallar Nazirliyinin müvafiq qüvvələri tərəfindən davam etdirilir.
Qeyd edək ki, balıqçıların qohum olduqları bildirilir.
10:40
Fövqəladə Hallar Nazirliyinə (FHN) Astarada iki nəfər balıqçının dənizə çıxaraq geri qayıtmaması barədə məlumat daxil olub.
Cenublu.az xəbər verir ki, əraziyə FHN-in Kiçik Gəmilərə Nəzarət və Sularda Xilasetmə Dövlət Xidmətinin xilasediciləri cəlb edilib.
Məlum olub ki, rayonun Şahağac kəndi ərazisində iki balıqçı dənizə çıxıb və onlardan uzun müddətdir xəbər alınmır.
Hazırda balıqçıların axtarışları davam etdirilir.
