Astarada pəhləvanlıq üzrə nümunəvi çıxışlar göstərilib. Bu haqda məlumatı Cenublu.az bu gün, 30 oktyabr tarixində verir.
Belə ki, tədbir Bakı-Astara magistralının Astara rayonu ərazisindən keçən hissəsində baş tutub. Burada pəhləvan Mahir Rəhimov çıxış edib. O, 16,5 tonluq maşını dişlə, qollarla və bədənlə dartmaq üzrə istedad və gücünü nümayiş etdirib.
Tədbirə 18 nəfər qatılıb.
Qeyd edək ki, nümunəvi çıxışlar Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun təşkilatçılığı ilə həyata keçirilib.
