Astara rayonunda “Vətənə, xalqa həsr olunmuş ömür” mövzusunda görüş təşkil olunub. Bu haqda məlumatı Cenublu.az bu gün, 9 dekabr tarixində verir.
Astara Gənclər Evində keçirilən tədbirdə 32 nəfər iştirak edib. Onlara Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun və Astara Gənclər Evinin əməkdaşları tərəfindən müstəqil Azərbaycan dövlətçiliyinin bərqərar olması, ölkədə dinamik iqtisadi, sosial inkişafın təmin olunması, regionda və beynəlxalq aləmdə ölkəmizin mövqelərinin möhkəmləndirilməsi, Azərbaycanda demokratik-hüquqi və vətəndaş cəmiyyətinin yaradılması barədə məlumat verilib.
Sonda “Vətənə, xalqa həsr olunmuş ömür” mövzusunda videoçarx təqdim edilib.
Qeyd edək ki, görüş adıçəkilən idarənin Astara rayonu üzrə gənclər və idman sektoru, Gənclər Evinin və Astara Pedaqoji Kollecinin birgə təşkilatçılığı ilə həyata keçirilib.
