Astara Pedaqoji Kollecində Lənkəran-Astara Regional Gənclər və İdman İdarəsinin Astara rayonu üzrə gənclər və idman sektoru, KOBİA-nın Lənkəran Regional Koordinatorluğunun Astara KOB dostunun birgə təşkilatçılığı, Astara Pedaqoji Kollecinin dəstəyi ilə “Gənc sahibkar” mövzusunda təlim keçirilib. Bu haqda məlumatı Cenublu.az bu gün, 23 noyabr tarixində verir.
Tədbiri giriş sözü ilə Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun müdiri və Astara Pedaqoji Kollecinin direktoru açaraq tədbirin gənclər üçün əhəmiyyətindən danışıblar.
Daha sonra Kiçik və Orta Biznesin İnkişaf Agentliyinin (KOBİA) Lənkəran Regional Koordinatorluğunun Astara KOB dostu Seymur Murtuzayev çıxış edərək təlimin məqsəd və vəzifələrindən bəhs edib. O qeyd edib ki, layihənin əsas məqsədi cənub rayonlarında yaşayan gənclər arasında sahibkarlıq fəaliyyətinin stimullaşdırılması və bununla bağlı maarifləndirici tədbirlərin həyata keçirilməsindən ibarətdir.
Təlimdə 25 nəfər gənc iştirak edib.
