Astara Rayon Heydər Əliyev Mərkəzində “Uşaqların təhsildən yayınması və baxımsızlığı insan alverinə şərait yaradan səbəblərdən biri kimi” mövzusunda dəyirmi masa keçirilib. Bu haqda məlumatı Cenublu.az bu gün, 11 oktyabr tarixində verir.
Dəyirmi masada qarşılıqlı fikir mübadiləsi baş tutub, uşaqların təhsildən yayınması, erkən nikah, narkomaniya və bunların səbəb olduğu insan alveri probleminin aktuallığı və onun həll yolları barədə ətraflı müzakirələr aparılıb, çıxış edənlərin təklifləri dinlənilib.
Qeyd edək ki, tədbir Astara Rayon İcra Hakimiyyətinin dəstəyi ilə Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İnsan Alveri Qurbanlarına Yardım Mərkəzi tərəfindən keçirilib.
