Astarada “Çayçılıq sahəsində mövcud imkanlar, problemlər və perspektivlər” adlı tədbir keçirilib. Bu haqda məlumatı Cenublu.az bu gün, 16 fevral tarixində verir.
Görüşdə Rayon İcra Hakimiyyətinin, İqtisadiyyat Nazirliyinin Lənkəran Regional Bölməsinin, Aqrar Xidmətlər Agentliyinin, Sahibkarlığın İnkişafı Fondunun, AQTA Lənkəran Regional Bölməsinin, Dövlət Vergi Xidmətinin, Astara DAİM-in, Dövlət Məşğulluq Agentliyin Lənkəran Regional Məşğulluq filialının və maliyyə qurumlarının nümayəndələri, həmçinin 20-yə yaxın fermer və sahibkarlıq subyekti iştirak ediblər.
Tədbir rayonda çayçılıqla məşğul olan sahibkarlıq subyektlərinin çətinliklərinin öyrənilməsinə həsr olunub. İştirakçılara sahibkarlıq sahəsində ölkədə həyata keçirilən və hazırda davam edən layihələr, həmçinin bu sahədə mövcud qanunvericilik və dövlət dəstəyi mexanizmləri barədə məlumat verilib. Daha sonra fermerlərin sualları dinlənilib, müvafiq qurumların nümayəndələri tərəfindən tədbirdə səsləndirilən suallar cavablandırılıb.
Tədbir Astara Rayon İcra Hakimiyyətinin dəstəyi və Kiçik və Orta Biznesin İnkişafı Agentliyinin (KOBİA) təşkilatçılığı ilə baş tutub.
