Astarada Azərbaycan Qadınlarının VI Qurultayı ilə bağlı toplantı baş tutub. Bu haqda məlumatı Cenublu.az bu gün, 4 oktyabr tarixində verir.
Toplantıda rayon İcra Hakimiyyəti başçısının müavini – İctimai-siyasi və humanitar məsələlər şöbəsinin müdiri Firəngiz Sadıxova, rayon İcra Hakimiyyəti başçısı aparatının Hüquq şöbəsinin müdiri Bəsti Əliyeva, rayon İcra Hakimiyyəti başçısı aparatının İctimai-siyasi və humanitar məsələlər şöbəsinin məsul işçiləri, məktəb direktorları, müəllimlər, körpələr evi və uşaq bağçalarının müdirləri, rayonun ictimai həyatında fəallıq göstərən qadınlar iştirak ediblər.
Toplantı zamanı Astara şəhər 1 nömrəli tam orta məktəbinin direktoru Xədicə Əliyeva, Kijəbə qəsəbə tam orta məktəbinin direktoru Təbrizə Rəsulova, Astara şəhər 5 nömrəli tam orta məktəbinin direktoru Arzu Əhmədova Azərbaycan qadınlarının cəmiyyətdəki mövqeyi, nailiyyətləri barədə çıxış ediblər. Onlar valideyn-övlad, məktəb-ailə və bir sıra mövcud məişət problemlərinə, o cümlədən erkən nikah, məişət zorakılığı, boşanma, gənc nəsil arasında milli-mənəvi dəyərlərin qorunub saxlanması məsələlərinə toxunub, müzakirələr aparıblar.
