Astarada atasını öldürməkdə təqsirləndirilən Rühəngiz Əliyevanın cinayət işi üzrə ibtidai istintaq başa çatıb. Bu haqda məlumatı Cenublu.az bu gün, 14 noyabr tarixində Apa.az-a istinadən verir.
Təqsirləndirilən şəxs barəsində toplanan cinayət işi materialları baxılması üçün Lənkəran Ağır Cinayətlər Məhkəməsinə göndərilib. Cinayət işi hakim Nahid Hüseynovun icraatına verilib.
Qeyd edək ki, 1 avqust tarixində Astara rayonunun Çürkəş kənd sakini, 71 yaşlı Qubad Əliyevin yaşadığı evdə kəsilmiş-deşilmiş xəsarətlərdən ölməsi faktı ilə bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq istintaq aparılıb.
İstintaq-əməliyyat tədbirləri nəticəsində cinayətin zərərçəkmişin qızı, 36 yaşlı Rühəngiz Əliyeva tərəfindən şəxsi münasibətlər zəminində törədilməsinə əsaslı şübhələr müəyyən edilib. Rühəngiz Əliyeva rayon prokurorluğunun qərarı əsasında şübhəli şəxs qismində tutulub.
