Astara şəhərində əmək yarmarkası baş tutacaq. Bu haqda məlumatı Cenublu.az bu gün, 25 sentyabr tarixində verir.
29 sentyabr saat 11:00-da keçiriləcək tədbirdə 15 müəssisə tərəfindən 250-dən artıq vakansiyanın əmək yarmarkasına çıxarılması nəzərdə tutulub. Yarmarkaya gələn namizədlərin şəxsiyyət vəsiqələrini təqdim etmələri mütləqdir. Həmçinin namizədlərin CV nümunəsi ilə birlikdə gəlmələri arzuolunandır.
Qeyd edək ki, Astara Olimpiya İdman Kompleksində keçiriləcək tədbir Dövlət Məşğulluq Agentliyinin Lənkəran-Astara Regional Məşğulluq filialının dəstəyi ilə baş tutacaq.
