Astarada qəsdən adam öldürməkdə şübhəli bilinən şəxs tutulub.
Bu barədə Cenublu.az-a rayon prokurorluğundan məlumat verilib.
Bildirilib ki, avqustun 17-də Astara rayonunun Suparibağ kəndi ərazisində qəsdən adam öldürülməsinə dair rayon prokurorluğuna məlumat daxil olub.
Araşdırma zamanı 2004-cü il təvəllüdlü Vüsal Əliyevin aralarında yaranmış mübahisə zamanı tanışı 1959-cu il təvəllüdlü İskəndər Məmmədova bıçaqla xəsarətlər yetirərək qəsdən öldürməsinə əsaslı şübhələr müəyyən edilib.
Faktla bağlı Astara rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Vüsal Əliyev polis əməkdaşları tərəfindən saxlanılaraq istintaqa təhvil verilib və prokurorluq tərəfindən şübhəli şəxs qismində tutulub.
Cinayət işi üzrə ibtidai istintaq davam etdirilir.
17.08.25
Astarada 66 yaşlı kişi kəsici alətlə qətlə yetirilib.
Cenublu.az xəbər verir ki, hadisə rayonun Suparibağ kəndində qeydə alınıb. Belə ki, avqustun 17-də rayonun Suparibağ kəndinin ərazisində 1959-cu il təvəllüdlü İsgəndər Məmmədovun kəsici alətlə qətlə yetirilməsi barədə polisə məlumat daxil olub.
Şəxsi münasibətlər zəminində həmin cinayət əməlini törətməkdə şübhəli bilinən 21 yaşlı Vüsal Əliyev polis əməkdaşları tərəfindən saxlanılaraq istintaqa təhvil verilib.
Araşdırma aparılır.
