Daxili İşlər Nazirliyinin Baş Narkotiklərlə Mübarizə İdarəsi narkotik vasitələrin qanunsuz dövriyyəsinə qarşı əməliyyat tədbirlərini davam etdirir.
Cenublu.az xəbər verir ki, Astarada keçirilən növbəti əməliyyat zamanı əvvəllər də narkotik cinayətinə görə məhkum olunmuş 43 yaşlı Anar Novruzov və 39 yaşlı Taleh Məmmədov saxlanılıb.
Şəxslərdən ümumilikdə 62 kiloqram tərkibinə psixotrop maddələr əlavə edilmiş marixuana aşkarlanaraq götürülüb. Onlar ifadələrində narkotikləri şəxsiyyəti araşdırılan İran vətəndaşından aldıqlarını, Astara ərazisində gizlədilən yerdən götürüb maddi qazanc əldə etmək məqsədilə müxtəlif ünvanlara çatdırmağı planlaşdırdıqlarını bildiriblər.
Faktla bağlı araşdırmalar davam etdirilir.
