Astarada 101 yaşlı seçici səs verib.
Cenublu.az xəbər verir ki, Astara rayonunun Ərçivan qəsəbə sakini 101 yaşlı Məryəm Diyarova səhhətində yaranan problemlə bağlı 79 saylı seçki dairəsinin 31 saylı məntəqəsinə bələdiyyə seçkilərində iştirak üçün gedə bilməyib. O, seçki məntəqəsinə müraciət edərək səyyar seçki qutusunun evinə gətirilməsini istəyib. Müraciətə əsasən, seçki qutusu evə aparılıb və 101 yaşlı seçici səs verib.
"Allah ömür versə, bundan sonra da iştirak edəcəm. Bu dəfə səhhətimdə yaranan problemə görə məntəqəyə gedə bilmədim. Xahiş etdim ki, daşınan seçki qutusunu evimə gətirsinlər. Layiqli namizədə səsimi verdim və ümid edirəm ki, bu seçim ölkəmizin gələcəyi üçün müsbət dəyişikliklərə səbəb olacaq. Seçkilərin nəticələrinin hamımız üçün xeyirli olacağına inanıram", - deyə 101 yaşlı Məryəm Diyarova bildirib.
