"Azərbaycan Dəmir Yolları" QSC-yə məxsus "Astara Terminal" MMC-nin direktoru Rahim Mustafayev vəzifəsindən azad edilib. Bu haqda məlumatı Cenublu.az bu gün, 31 oktyabr tarixində Report.az-a istinadən verir.
Belə ki, şirkətə rəhbərlik Zaur Ramazanova həvalə olunub.
Qeyd edək ki, "Astara Terminal" 2020-ci ildə yaradılıb. Onun nizamnamə kapitalı 200 manatdır. Şirkət Azərbaycanın İranın Astara şəhərində inşa etdiyi terminalın idarə edilməsi ilə məşğuldur.
2021-ci ildə Astara terminalında 350.686 ton və yaxud 8.112 vaqon yük aşırılıb. Bunun 38%-i taxta və taxta məmulatları, 22%-i meyvə-tərəvəz, 19%-i konteyner, 9%-i tikinti materialları (klinker, sement və kafel), 6%-i dənli bitkilər (arpa, taxıl, buğda və mərci), 7%-i isə digər yüklər olub. Yüklərin 74%-i Azərbaycan ərazisindən nəql edilən tranzit yüklərin payına düşüb.
