Bu gün Vətən müharibəsi şəhidi Əli Malik oğlu Feyziyevin mövlud günüdür.
Əli Feyziyev 11 iyul 1994-cü ildə Astara rayonunun Ərçivan qəsəbəsində anadan olub. 2000-2011-ci illərdə Ərçivan kənd 1 saylı tam orta məktəbdə təhsil alıb. 2015-ci ildə Afaq adlı xanımla ailə həyatı qurub. Vətən müharibəsinin ilk günündən qəhrəmancasına savaşan igidimiz, Xocavənd və Şuşa uğrunda gedən döyüşlərdə iştirak edib. 8 noyabr 2020-ci ildə Şuşa döyüşlərində yaralanıb, 10 noyabr tarixində vəfat edib.
Ölümündən sonra Feyziyev “Xocavəndin azad olunmasına görə”, “Şuşanın azad olunmasına görə” və “Vətən uğrunda” medalları ilə təltif olunub.
