Beyləqan rayonunda məktəbdə zəhərlənmə şübhəsi ilə xəstəxanaya yerləşdirilən 14 şagirdin vəziyyəti açıqlanıb.
Cenublu.az xəbər verir ki, bu barədə TƏBİB məlumat yayıb.
Bildirilib ki, 9 oktyabr 2026-cı il tarixində saat 12:00 radələrində zəhərlənmə şübhəsi ilə 14 nəfər Beyləqan Rayon Mərkəzi Xəstəxanasına hospitalizasiya olunub.
Onlara ilkin tibbi yardım göstərilib. Hazırda müalicələri tibb müəssisəsində davam etdirilir və vəziyyətləri stabil qiymətləndirilir.
Qeyd edək ki, AQTA-nın ilkin araşdırmasına əsasən, hadisə şagirdlərin texnologiya dərsi zamanı özlərinin hazırladıqları qidanı qəbul etməsindən sonra baş verib.
