Lənkəran şəhərində qurumuş ağac sakinlərin həyat və sağlamlığı üçün təhlükə yaradır. Söhbət şəhərin Qala Xiyabanı ərazisində, "Qala" şadlıq sarayının qarşısında yerləşən ağacdan gedir.
Cenublu.az xəbər verir ki, küləkli hava zamanı ağacın qurumuş budaqları qırılaraq səkiyə düşür. Bu isə həmin ərazidən keçən piyadalar, xüsusilə uşaqlar və yaşlılar üçün ciddi təhlükə yaradır.
Vətəndaşlar aidiyyəti qurumlardan qurumuş ağaca baxış keçirilməsini, onun budanması və ya ərazidən götürülməsi ilə bağlı müvafiq tədbirlərin görülməsini xahiş edirlər.
Qeyd edək ki, ərazidə səki yenidən qurulub və hazırda piyadalar buradan daha çox istifadə edirlər. Eyni zamanda, ətrafda iaşə, ticarət və digər obyektlər fəaliyyət göstərir. Bu səbəbdən sakinlər təhlükənin aradan qaldırılması üçün vaxtında tədbir görülməsini vacib hesab edirlər.
