Lənkəran rayonunda dolu yağıb, güclü külək və intensiv yağış müşahidə olunur.
Cenublu.az xəbər verir ki, bu gün səhər saat 09:00 radələrindən başlayaraq rayonun bir sıra kəndlərinə dolu düşüb.
Təxminən 4-5 dəqiqə davam edən dolu Separadi, Tükəvilə, Zövlə, Şağlaser, Boladi kəndlərində və Liman şəhərində müşahidə olunub.
Daha sonra ərazidə intensiv yağıntı başlayıb. Məlumata görə, bəzi ərazilərdə ağaclar aşıb.
Hazırda bölgədə yağışlı və küləkli hava şəraiti davam edir.
