Astaranın Selakəran kəndindən olan Birinci Qarabağ müharibəsi şəhidi Səyavuş Ətulla oğlu Nəsirovun məzarı ziyarət olunub. Bu haqda məlumatı Cenublu.az bu gün, 11 iyul tarixində Astara Heydər Əliyev mərkəzinə istinadən verir.
Qeyd edək ki, Səyavuş Nəsirov 10 iyul 1973-cü ildə anadan olub. 1988-ci ildə Seləkəran kənd 8 illik məktəbi, 1990-cı ildə isə Astara Şəhər 1 saylı orta məktəbi bitirib. 21 iyul 1992-ci ildə hərbi xidmətə çağırılıb. Xüsusi təyinatlı dəstədə təlim keçəndən sonra kəşfiyyatçı bölüyündə xidmət edib. Onun ilk döyüşü Ağdərədən başlayıb. Sərsəng su anbarını Papravənd, Gülyataq, Canyataq, Ponaşen və digər kəndlərin müdafiəsində qəhrəmanlıqla döyüşüb. O, 6 may 1994-cü ildə xidməti vəzifəsini yerinə yetirərkən qəhrəmancasına şəhid olub.
Təhsil aldığı Astara rayonunun Seləkəran kənd tam orta məktəbinə onun adı verilib.
