Astara rayon İcra hakimiyyətinin başçısı Qəzənfər Ağayev şəhər, qəsəbə və kənd inzibati ərazi dairəsi üzrə nümayəndələr, bələdiyyələr, idarə, müəssisə və təşkilat rəhbərləri ilə müşavirə keçirib. Bu haqda məlumatı Cenublu.az bu gün, 8 oktyabr tarixində Astara RİH-yə istinadən verir.
Müşavirədə “Rayonda payız-qış mövsümünə hazırlığın vəziyyəti” və “Erkən nikahların qarşısının alınması və yetkinlik yaşına çatmayanların hüquqlarının qorunması” məsələləri müzakirə olunub.
Hər iki məsələ ilə əlaqədar arayışlar dinlənilib, mövcud problemlər və çatışmazlıqlar qeyd edilib.
İcra başçısı hər iki məsələnin aktuallığını bir daha vurğulayaraq bildirib ki, məruzə və müzakirələrdən göründüyü kimi, bu istiqamətdə rayonda bir sıra işlər görülüb.
Sonda o, aşkar olunan nöqsanların qısa zamanda aradan qaldırılmasından ötrü aidiyyəti üzrə tapşırıq və tövsiyələrini verib.
