Astarada fəaliyyət göstərən “Astara Çay” MMC-nin rəhbəri Emil Məmmədov vəzifəsindən azad edilib. Bu haqda məlumatı Cenublu.az bu gün, 12 dekabr tarixində Azərforum-a istinadən verir.
“Astara Çay” MMC-nin yeni baş icraçı direktoru Kamil Seyfullayev təyin edilib. O, bundan əvvəl “GBL Group” QSC-də çalışırdı.
Xatırladaq ki, E.Məmmədov 2021-ci ilin iyulundan bu vəzifədə idi.
Qeyd edək ki, “Astara Çay” MMC 2012-ci ildə təsis edilib, 1.565.000 manat nizamnamə kapitalına sahibdir. Şirkət çayla yanaşı, təbii düyü istehsalı, feyxoa, portağal və mandarin becərilməsi ilə də məşğuldur. 2015-ci ildən fəaliyyətə başlamış çay fabrikində “AzTea” və “Astaraçay” çay markaları istehsal olunur.
