Bu gün Vətən müharibəsi şəhidi Hacıyev Kənan İmran oğlunun şəhadətə ucaldığı gündür.
Kənan Hacıyev 17 noyabr 2001-ci ildə Astara rayonunun Anbuba kəndində anadan olub. 2008-2019-cu illərdə S.Qurbanov adına Motlayataq kənd tam orta məktəbində təhsil alıb. 2019-cu ildə Bakı Biznes və Kooperasiya kollecinə daxil olub.
Vətən müharibəsi zamanı Füzuli və Xocavəndin azadlığı uğrunda gedən döyüşlərdə iştirak edib. 6 oktyabr Füzuli rayonunun Yuxarı Seyidəhmədli kəndi uğrunda gedən ağır döyüşlərdə şəhid olub. Nəşi uzun müddət tapılmayıb. Noyabrın 9-da Kənan Hacıyevin şəhid olma xəbəri təsdiqlənib. Astara rayonunun Anbuba kəndində torpağa tapşırılıb.
Ölümündən sonra “Vətən uğrunda”, “Füzulinin azad olunmasına görə” və “Xocavəndin azad olunmasına görə” medalları ilə təltif olunub.
