Masallı RİH-nin başçısı Araz Əhmədov Qodman ərazisinin sakinləri ilə səyyar görüş-qəbul keçirib. Bu haqda məlumatı Cenublu.az bu gün, 1 fevral tarixində verir.
Qəbulda Masallı RİHB aparatının İnformasiya təminatı və təhlil sektorunun müdiri Elvin Fəttayev rayon rəhbəri ilə ötən görüş zamanı vətəndaşların müraciətlərinin həlli vəziyyəti barədə məlumat verib.
Sonra rayon rəhbəri vətəndaşları narahat edən məsələlərlə bağlı müraciətlərini dinləyib, bəzi məsələləri dərhal yerində həll edib, digər məsələlərin həlli istiqamətində müvafiq qurumlara tapşırıqlar verib.
