Masallı Rayon İcra Hakimiyyətinin başçısı Araz Əhmədov Masallı şəhərində və rayonun bir sıra kəndlərində yaşayan şəhid ailələrini ziyarət edib. Bu haqda məlumatı Cenublu.az bu gün, 20 sentyabr tarixində verir.
Belə ki, icra başçısı, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, Rayon İcra Hakimiyyəti başçısının kənd inzibati ərazi dairəsi üzrə nümayəndəlikləri və Qafqaz Müsəlmanları İdarəsinin Masallı rayonu üzrə qazısı Rəşid Talıbov Öncəqala, Şərəfə, Binə Xocavar, İmanlı, Kəlbəhüseynli və Çaxırlı kənlərindəki və Masallı şəhərindəki şəhid ailələrini ziyarət edib, onların qayğı və problemləri ilə maraqlanıblar.
