Azərbaycan Respublikasının Qida Təhlükəsizliyi Agentliyinin (AQTA) əməkdaşları Masallıda yerləşən bir sıra ictimai iaşə obyektlərində nöqsanlar aşkarlayıblar. Bu haqda məlumatı Cenublu.az bu gün, 19 sentyabr tarixində verir.
Belə ki, Musaküçə kəndində yerləşən "Cənub 77" kafesi, Ələt-Astara şosesində yerləşən "Turac" kafesi və Qəriblər kəndində yerləşən "Viləş" hotelinin restoranının sahibləri qida təhlükəsizliyi qeydiyyatına dair çıxarışın olmaması və baytarlıq şəhadətnaməsi və ya arayışı olmayan heyvan mənşəli məhsulları qəbul etdikləri üçün cərimələniblər.
