Lənkəran rayonunda yerləşən bir neçə ticarət obyektində nöqsanlar aşkar edildiyindən onlar Qida Təhlükəsizliyi Agentliyi tərəfindən cərimələniblər. Bu haqda məlumatı Cenublu.az bu gün, 29 sentyabr tarixində qurumun rəsmi saytına istinadən verir.
Belə ki, Qala Xiyabani küçəsində yerləşən Novruzov Cavid Şəmsəddin oğluna məxsus mağaza, Nizami küçəsində yerləşən Abdulayev Ramin Yusif oğluna məxsus "Ayaz" market, Ş.Axundov küçəsində yerləşən Xəlilov Nicat Cavid oğluna məxsus mağaza, Nizami küçəsində yerləşən Əliyev Ələkbər Zülü oğluna məxsus mağaza və rayonun Şiləvar kəndində yerləşən "Cənub Bərəkət" market obliqat qrupuna daxil olan işçilərin ilkin və dövri tibbi müayinədən keçməməsi və baytarlıq şəhadətnaməsi və ya arayışı olmayan heyvan mənşəli məhsullar aşkar olunduğundan, sahiblərinə inzibati protokol tərtib olunub.
