“Bu gün mənim ad günümdür. Əslində fevral ayını və doğum günümü təqvimimdən silmişəm, qaralamışam. Ümumiyyətlə mənim üçün ən ağır travmalı aydır”.
Cenublu.az xəbər verir ki, bu sözləri mərhum biləsuvarlı Xalq artisti Ramiz Novruzun aktyor oğlu Cavidan Novruz sosial media hesabında yazıb.
“Ona görə ki, mən 2023-cü il fevral ayının 12-də tortumun şamlarını söndürəndə məndən soruşdular ki, “Nə arzu edirsən?”. Mən dedim ki, 36 yaşımda ən böyük arzum atamın sağlamlığına qovuşmasını görməkdir. Və 37-38 yaşımda da həmçinin! Bu gün isə 38 yaşım tamam oldu! Hər şey oldu, hər arzum yerinə yetdi, amma o arzum baş tutmadı! Bu gün isə səhər açılandan sadəcə efirdən çıxıb qəbirüstünə getdim. Və saatlarla bu günümü burada qeyd etdim. Atam, sonra isə işlərimin başında olacağam! Mənə təbrik yox, sadəcə atama rəhmət oxuyun. Bununla mənə dünyaları vermiş kimi olacaqsınız, inanın mənə!
Və söz verirəm, bir daha neqativ olmayacağam! Neqativ paylaşımlarım olmayacaq. Doğum günümdə bunu etmək istədim! Anlayışınız üçün var olun. Bu mənim ən zəif yerim və sağalmaz bir yaramdır”, – deyə aktyor qeyd edib.
Xatırladaq ki, R.Novruz iki il əvvəl xərçəng xəstəliyindən vəfat edib.
