Lənkəran rayonunda Aktivist Rəssamlar Assosiasiyasının üzvləri tərəfindən etüd təşkil edilib. Bu haqda məlumatı Cenublu.az bu gün, 13 dekabr tarixində ARB Cenub-a istinadən verir.
Sərgi rayonun Şovu kəndində baş tutub. Burada məqsəd insanlarda incəsənətə, mədəniyyətə maraq oyatmaqdır.
“Bizim rəsmlər, adətən, bu canlı təbiətdə çəkildiyinə görə, təbii ki, sırf realizm üslubunda çəkilən rəsmlərdir. Həmişə dediyimiz bir söz var ki, ailədə mədəniyyətə, incəsənətə maraq azalıb. Biz də ailənin içində olub, xalqın içində olub bu marağı bir az yenidən oyatmağa cəhd göstəririk. Səfərlərimiz mütəmadi davam edir”, – deyə Aktivist Rəssamlar Assosiasiyasının rəhbəri Nəvai Metin bildirib.
Qeyd edək ki, assosiasiyanın üzvləri bundan əvvəl bir neçə bölgəni ziyarət ediblər. Səfərlər çərçivəsində çəkilmiş rəsmlər sonda keçiriləcək sərgidə təqdim olunacaq.
