Kənd Təsərrüfatı Nazirliyinin vəzifəli şəxsi tərəfindən dekabrın 10-da Masallıda vətəndaş qəbulu keçiriləcək.
Cenublu.az nazirliyə istinadən xəbər verir ki, Aqrar Kredit və İnkişaf Agentliyinin sədri Yalçın Camalov qəbul zamanı vətəndaşların Kənd Təsərrüfatı Nazirliyinin səlahiyyət dairəsinə aid məsələlərlə bağlı müraciətlərini cavablandıracaq və müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaş qəbulu rayonun Dövlət Aqrar İnkişaf Mərkəzində keçiriləcək.
Qəbulda iştirak etmək istəyən şəxslər Kənd Təsərrüfatı Nazirliyinin “Çağrı Mərkəzi”nə (1652) zəng etməklə qeydiyyatdan keçə bilərlər.
Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.
