Bu gün antiterror tədbirləri zamanı şəhid olan Savalan Qafarovun dünyaya göz açdığı gündür.
Cenublu.az-ın məlumatına görə, Qafarov Savalan İsfəndiyar oğlu 2003-cü ildə dekabrın 9-da Lerik rayonunun Cəngəmiran kəndində anadan olub.
S.Qafarov 2023-cü ildə sentyabrın 20-si həyata keçirilmiş lokal antiterror tədbirləri zamanı Xocalı istiqamətində gedən döyüşlərdə şəhidlik zirvəsinə ucalıb. O, Binə rayonu Şəhidlər Xiyabanında dəfn edilib.
Şəhid əsgər döyüş meydanında yüksək peşəkarlıq, şücaət və mərdlik göstərdiyinə, xidməti vəzifələrini və hərbi hissə qarşısında qoyulmuş tapşırıqları layiqincə yerinə yetirdiyinə görə 3-cü dərəcəli "Vətənə xidmətə görə" ordeni və "Vətən uğrunda" medalı ilə təltif edilib.
