Lənkəran-Astara iqtisadi rayonu 18 yaşadək analar tərəfindən doğulan uşaqlar üzrə ilk dördlükdə yer alıb. Bu haqda məlumatı Cenublu.az bu gün, 26 oktyabr tarixində verir.
Ailə, Qadın və Uşaq Problemləri üzrə Dövlət Komitəsinin 2022-ci il üzrə məlumatlarına əsasən, ən yüksək göstəricilər Qazax-Tovuz (280 nəfər), Mərkəzi Aran (245 nəfər) və Qarabağ (240 nəfər) iqtisadi rayonları üzrə qeydə alınıb. Lənkəran-Astara iqtisadi rayonunda bu rəqəm 236-ya bərabərdir.
Qeyd edək ki, Azərbaycan üzrə 2022-ci ildə 18 yaşadək analar tərəfindən doğulan uşaqların sayı 2011 nəfərdir. Bu rəqəm 2021-ci illə müqayisədə 361 nəfər çoxdur.
